Y Gwasanaethau Cyfreithiol

Mae’r Gyfarwyddiaeth Gwasanaethau Cyfreithiol yn darparu’r gwasanaethau Canlynol:

• Cyngor ar Filiau a Chynigion Cydsyniad Deddfwriaethol;

• Cyngor ar gwmpas pwerau’r Cynulliad;

• Craffu ar Is-ddeddfwriaeth;

• Cyngor cyffredinol ar faterion cyfreithiol; a

• Chyngor Corfforaethol.

Cyngor ar Filiau a Chynigion Cydsyniad Deddfwriaethol

Mae’r tîm yn gyfrifol am gynghori Cynulliad Cenedlaethol Cymru, ei Bwyllgorau a’r Llywydd ar gwmpas a chynnwys y Biliau sydd gerbron y Cynulliad, yn ogystal ag ar gynigion ar gyfer rhoi cydsyniad y Cynulliad, drwy Gynnig Cydsyniad Deddfwriaethol, i gynigion ar gyfer deddfwriaeth San Steffan ar faterion a ddatganolwyd.

Cyngor ar bwerau’r Cynulliad

Mae’r tîm yn dehongli Deddf Llywodraeth Cymru 2006 ac yn sicrhau bod yr holl weithgareddau a wneir o fewn ei bwerau. Mae hyn yn cynnwys rhoi cyngor i’r Llywydd a’r Dirprwy Lywydd yng Nghyfarfodydd Llawn y Cynulliad, ac mewn penderfyniadau ynghylch derbynioldeb cynigion a chwestiynau gan Aelodau’r Cynulliad.

Craffu ar Is-ddeddfwriaeth

Mae’r tîm yn rhoi cyngor cyfreithiol i’r Pwyllgor Materion Cyfansoddiadol a Deddfwriaethol ynghylch craffu ar Is-ddeddfwriaeth.

Cyngor cyffredinol ar faterion cyfreithiol

Mae’r tîm yn rhoi cyngor cyfreithiol amrywiol ar bob agwedd ar waith y Cynulliad, yn aml ar y cyd â gwaith y Gwasanaeth Ymchwil.

Cyngor Corfforaethol

Mae’r tîm yn rhoi cyngor cyfreithiol i Gomisiwn y Cynulliad, y Prif Weithredwr a Chlerc, a staff y Comisiwn yn gyffredinol ar ystod o faterion sy’n codi o gyfrifoldebau Comisiwn y Cynulliad dros eiddo, staff a gwasanaethau. Mae’r tîm hefyd yn darparu cyngor cyfreithiol i Fwrdd Taliadau Cynulliad Cenedlaethol Cymru mewn perthynas â’i swyddogaethau.